მედალოსნების დაჯილდოება მერიაში.

ზუგდიდის მუნიციპალიტეტის მერიაში დღეს, წარჩინებული, მედალოსანი სკოლადამთავრებულების დაჯილდოების ცერემონია გაიმართა. ზუგდიდის მუნიციპალიტეტის მერმა ლაშა გოგიამ, ქალაქ ზუგდიდის მაჟორიტარმა დეპუტატმა საქართველოს პარლამენტში მერაბ ქვარაიამ, საკრებულოს თავმჯდომარე მამუკა წოწერიამ, მერის მოადგილე მაიზერ ნანავამ, საგანმანათლებლო რესურსცენტრის ხელმძღვანელმა კახა ფარცვანიამ და განათლების, ძეგლთა დაცვის, კულტურის, სპორტის და ახლაგაზრდულ საქმეთა სამასახურის წარმომადგენლებმა წარჩინებული სკოლადამთავრებულები დააჯილდოვეს, მედალოსნებს წარმატებები უსურვეს და საჩუქრად სიგელები და წიგნები გადასცეს. ახალგაზრდებს სკოლის წარჩინებით დამთავრება, ზუგდიდის მაჟორიტარმა მიულოცა და ცხოვრებაში მრავალგზის ჯილდოს მიღება უსურვა:
„გილოცავთ სკოლის წარჩინებით დამთავრებას. თქვენ იწყებთ ცხოვრების ახალ ეტაპს და ეს მნიშვნელოვანია, როგორც თქვენთვის ასევე ჩვენი რეგიონისთვის, ვინაიდან თქვენ ხართ ის თაობა, რომელიც გამოირჩევა კრეატიული იდეებით, მრავალფეროვნებით. თქვენ ის თაობა ხართ, რომელსაც ახლა სჭირდება ჩვენი მხარდაჭერა და მე, როგორც წარჩინებული სკოლადამთავრებული, მედალოსანი, ამჟამად მაჟორიტარი დეპუტატი მუდამ ვიქნები თქვენს გვერდით და გიცხადებთ სრულ მხარდაჭერას. კიდევ ერთხელ გილოცავთ ამ წარმატებას და გისურვებთ ცხოვრების ყველა ეტაპზე არაერთგზის ჯილდოს მიღებას“-აღნიშნა მერაბ ქვარაიამ

დაჯილდოების ცერემონიას მოსწავლეები, მშობლები, პედაგოგები და სკოლის დირექტორები ესწრებოდნენ. ცნობისთვის: მიმდინარე წელს მუნიციპალიტეტს 86 მედალოსანი ყავს, მათ შორის 60 ოქროსა და 26 ვერცხლის მედალოსანია.