სამუშაო შეხვედრა მაჟორიტარი დეპუტატის ბიუროს ხელმძღვანელებთან

9-10 ოქტომბერს, საირმეში პარლამენტის აპარატის ხელმძღვანელობამ მაჟორიტარი დეპუტატების ბიუროს უფროსებთან სამუშაო შეხვედრები გამართა.

აღსანიშნავია, რომ მსგავსი ფორმატის ფართომასშტაბიანი შეხვედრა საქართველოს პარლამენტის ისტორიაში პირველად ჩატარდა, სადაც მონაწილეობა მიიღო ქ. ზუგდიდის მაჟორიტარი პარლამენტის წევრის მერაბ ქვარაიას ბიუროს ხელმძღვანელმა ირაკლი ბაღათურიამ.

დასავლეთ საქართველოს მაჟორიტარი დეპუტატების ბიუროს ხელმძღვანელებთან ორდღიანი სამუშაო შეხვედრა, პარლამენტის აპარატის უფროსმა, გივი მიქანაძემ გახსნა. იგი ღონისძიების მონაწილეებს მიესალმა და აღნიშნული შეხვედრის მნიშვნელობაზე ისაუბრა. 

მაჟორიტარი დეპუტატების ბიუროსა და მათ თანამშრომლებთან კოორდინაცია და აქტიური თანამშრომლობა მნიშვნელოვანია იმდენად, რამდენადაც ისინი რეგიონებში საქართველოს პარლამენტს წარმოადგენენ. ორდღიანი ღონისძიების მიზანია უშუალო კომუნიკაციის დამყარება, აქტიური თანამშრომლობის დაწყება და იმ საჭიროებების განსაზღვრა, რომლითაც პარლამენტის აპარატი ხელს შეუწყობს ბიუროების საქმიანობას მუნიციპალიტეტებსა და ქალაქებში. ამასთანავე, შეხვედრების ფარგლებში, მაჟორიტარი დეპუტატების ბიუროს წარმომადგენლებს პარლამენტში მიმდინარე რეფორმების და დაგეგმილი აქტივობების თაობაზე ინფორმაციას გავაცნობთ და იმ ახალ გამოწვევებზე ვისაუბრებთ, რომლებიც ახალი კანონმდებლობის ძალაში შესვლის შემდეგ, კონტროლისა და ზედამხედველობის კუთხით, პარლამენტის გაზრდილ ფუნქციებს შეეხება“, - აღნიშნა გივი მიქანაძემ.

საირმეში მიმდინარე ორდღიან სამუშაო შეხვედრას პარლამენტის აპარატის უფროსთან ერთად, მისი ორი მოადგილე, დეპარტამენტების და განყოფილების უფროსები ესწრებოდნენ.
მაჟორიტარი დეპუტატის ბიუროს ხელმძღვანელებთან სამუშაო შეხვედრა პარლამენტის აპარატის ინიციატივითა და ეროვნულ-დემოკრატიული ინსტიტუტის და დიდი ბრიტანეთის საელჩოს ფინანსური მხარდაჭერით გაიმართა.
12.10.2018

შემოგვიერთდით ფეისბუქზე

ქ. ზუგდიდი, მ. კოსტავას #58

ვალუტის კურსი

USD
1
USD
2.9446
Down 0.0020
RUB
100
RUB
4.6194
Down 0.0024
EUR
1
EUR
3.2606
Down 0.0084
TRY
1
TRY
0.5077
Down 0.0036
განახლების დრო 10-12-2019