საინფორმაციო შეხვედრა ,,შრომის უსაფრთხოების შესახებ“

ზუგდიდის მაჟორიტარი დეპუტატის მერაბ ქვარაიას მოდერატორობით, დღეს ,,შრომის უსაფრთხოების შესახებ“ საქართველოს ორგანული კანონით დაწესებულ ცვლილებებზე, სასტუმრო ,,ლეთოში“ საინფორმაციო შეხვედრა გაიმართა. შეხვედრაზე აუდიტორიას ,,შრომის უსაფრთოების შესახებ“ ორგანული კანონით დაწესებულ სიახლეებზე ინფორმაცია, საქართველოს პარლამენტის წევრმა დიმიტრი ცქიტიშვილმა, საქართველოს ბიზნესომბუდსმენმა ირაკლი ლექვინაძემ და საქართველოს ოკუპირებული ტერიტორიებიდან დევნილთა, შრომის, ჯანმრთელობის და სოციალურ საკითხთა სამინისტროს შრომის ინსპექციის დეპარტამენტის ხელმძღვანელმა ბექა ფერაძემ მიაწოდეს.  შენახვა  საინფორმაციო შეხვედრას სამეგრელო-ზემო სვანეთის სახელმწიფო რწმუნებული ალექსანდრე მოწერელია, ზუგდიდის მუნიციპალიტეტის მერი გიორგი შენგელია, ზუგდიდის მუნიციპალიტეტის საკრებულოს თავმჯდომარე მამუკა წოწერია და ადგილობრივი თვითმმართველობის და არასამთავრობო ორგანიზაციების, ბიზნეს-ასოციაციების, კომპანიების, დეველოპერებისა და პროფკავშირების წარმომადგენლები ესწრებოდნენ. 2019 წლის იანვარში მიღებული ორგანული კანონის მიხედვით, შრომის უსაფრთხოების მოქმედების არეალი შეუზღუდავი გახდა და გავრცელდა ეკონომიკური საქმიანობის ყველა სფეროზე და საჯარო სექტორზე(2019 წლის 1 სექტემბრიდან). ცვლილებების თანახმად, შრომის უსაფრთხოებაზე ზედამხედველი ორგანო უფლებამოსილი გახდა წინასწარი შეტყობინების გარეშე და სასამართლო ნებართვის გარეშე, დღისა და ღამის ნებისმიერ მონაკვეთში შეამოწმოს ინსპექციისადმი დაქვემდებარებული ნებისმიერი სამუშაო სივრცე. კანონში ასევე დადგინდა ეფექტური და დიფერენცირებული სანქციები, რომელთა მოცულობა 100 ლარიდან 50 000 ლარამდე მერყეობს დარღვევის ხარისხისა და შემოწმებული კომპანიის მოცულობის შესაბამისად. მდგომარეობის კრიტიკული შეუსაბამობის შემთხვევაში ინსპექტორს ეძლევა სამუშაო პროცესის შეჩერების უფლებაც, რაც შემდგომში სასამართლოს გადაწყვეტილებით უნდა დადასტურდეს. აღნიშნული შეხვედრა ეროვნულ-დემოკრატიული ინსტიტუტის (NDI) მხარდაჭერითა და დიდი ბრიტანეთის მთავრობის UK Aid-ის ფინანსური ხელშეწყობით განხორციელდა.
10.08.2019

შემოგვიერთდით ფეისბუქზე

ქ. ზუგდიდი, მ. კოსტავას #58

ვალუტის კურსი

USD
1
USD
2.9275
Up 0.0050
RUB
100
RUB
4.3846
Up 0.0137
EUR
1
EUR
3.2445
Up 0.0011
TRY
1
TRY
0.5120
Down 0.0109
განახლების დრო 21-08-2019