მერაბ ქვარაია სამეგრელო-ზემო სვანეთის გუბერნატორ ალექსანდრე მოწერელიასთან და ადგილობრივი ხელისუფლების სხვა წარმომადგენლებთან ერთად აბასთუმნისა და ხეცერას ადმინისტრაციულ ერთეულებში მცხოვრებ მოქალაქეებს შეხვდა.
ადგილობრივი ხელისუფლების წარმომადგენლები მოსახლეობის პრობლემებს ადგილზევე გაეცნენ და მათი მოგვარების მექანიზმებზე იმსჯელეს. ერთ-ერთ მთავარ პრობლემად მეწყერის მიერ მიყენებული ზიანი და საფრთხეები დასახელდა,

ევროკავშირის სადამკვირვებლო მისიამ საქართველოში მუშაობა 10 წლის წინ დაიწყო. საიუბილეო თარიღთან დაკავშირებით, ზუგდიდის საველე ოფისმა ტექნოპარკში საინფორმაციო შეხვედრა გამართა და 10 წლის განმავლობაში მათი მუშაობა შეაჯამა.

პრეზიდენტობის დამოუკიდებელი კანდიდატის, სალომე ზურაბიშვილის საარჩევნო კამპანიის ფარგლებში ადგილობრივ მოსახლეობასთან შეხვედრები აქტიურად გრძელდება.

9-10 ოქტომბერს, საირმეში პარლამენტის აპარატის ხელმძღვანელობამ მაჟორიტარი დეპუტატების ბიუროს უფროსებთან სამუშაო შეხვედრები გამართა.

აღსანიშნავია, რომ მსგავსი ფორმატის ფართომასშტაბიანი შეხვედრა საქართველოს პარლამენტის ისტორიაში პირველად ჩატარდა, სადაც მონაწილეობა მიიღო ქ. ზუგდიდის მაჟორიტარი პარლამენტის წევრის მერაბ ქვარაიას ბიუროს ხელმძღვანელმა ირაკლი ბაღათურიამ.

1- 4 ოქტომბერს დიმიტრი მხეიძის, ლევან ბეჟანიძისა და მერაბ ქვარაიას შემადგენლობით, საპარლამენტო დელეგაცია ოფიციალური ვიზიტით ვარშავაში იმყოფებოდა.

ზუგდიდის მუნიციპალიტეტის მერიაში საერთაშორისო პროექტის „ადამიანის უფლებებზე დაფუძნებული ადგილობრივი თვითმმართველობა“ მონაწილეების ჯგუფთან შეხვედრა გაიმართა.

ზუგდიდის მუნიციპალიტეტის სოფელ ინგირში საცხენოსნო დოღი „ანაკლიის თასი 2018“ გაიმართა. დღეს საფუძველი ჩაეყარა საცხენოსნო დოღს ანაკლიის თასზე, რომელიც ყოველწლიური გახდება და საერთაშორისო მასშტაბს მიიღებს. დოღში მონაწილეობა საქართველოს ყველა კუთხიდან ჩამოსულმა ცხენოსნებმა, ასევე მეზობელი რესპუბლიკების - აზერბაიჯანისა და სომხეთის საცხენოსნო კლუბების წარმომადგენლებმა მიიღეს. 

ზუგდიდის მუნიციპალიტეტის საკრებულოს სხდომათა დარბაზში, ევროკავშირის მიერ დაფინანსებული დაძმობილების პროექტის „ინფრასტრუქტურის ხარისხის გაუმჯობესება, უკეთესი დაგეგმვის სისტემების საშუალებით" საჯარო კონსულტაციები გაიმართა. შეხვედრაზე ევროკავშირში წარსადგენ პროექტებზე იმსჯელეს.

ზუგდიდის მაჟორიტარი დეპუტატი მერაბ ქვარაია NDI-ს საარჩევნო სადამკვირვებლო მისიის კამპანიის ანალიტიკოს ქ-ნ მირიანა კოვაჩევიჩს და NDI სადამკვირვებლო მისიის ანალიტიკოსის ასისტენტ გუგა ბერიაშვილს შეხვდა. მაჟორიტარის ბიუროში გამართულ შეხვედრაზე განხილულ იქნა, წინა საარჩევნო გარემო ქვეყანაში და თანამედროვე პოლიტიკური ვითარება როგორც ქვეყნის მასშტაბით, ისე რეგიონში. მაჟორიტარის თქმით, ქვეყანაში უფრო და უფრო იხვეწება საარჩევნო სტრუქტურა, რასაც მოწმობს საერთაშორისო ორგანიზაციების აქტიური ჩართულობა.

შოთა მესხიას ზუგდიდის სახელმწიფო სასწავლო უნივერსიტეტში პირველკურსელებს საზეიმო დახვედრა მოუწყვეს. ახალი სასწავლო წლის დაწყება სტუდენტებს, უნივერსიტეტის ადმინისტრაციამ, ზუგდიდის მაჟორიტარმა დეპუტატმა მერაბ ქვარაიამ, ზუგდიდის მუნიციპალიტეტის მერის მოვალეობის შემსრულებელმა მაიზერ ნანავამ, საკრებულოს თავმჯდომარემ მამუკა წოწერიამ და სამეგრელო-ზემო სვანეთის მხარის რწმუნებულის მოადგილემ ნინო ვიბლიანმა მიულოცეს. ღონისძიებაზე მისასალმებელ სიტყვაში, უნივერსიტეტის რექტორმა თეონა ხუფენიამ გასული სასწავლო წელი შეაჯამა და პირველკურსელებს წარმატებული სტუდენტობა უსურვა. ქალატონმა თეონამ აღნიშნა, რომ უნივერსიტეტმა დაარსების დღიდან დღემდე უამრავ წარმატებას მიაღწია, როგორც ქვეყნის შიგნით, მის ფარგლებს გარეთაც, რასაც მოწმობს სტუდენტების აქტიური ჩართულობა გაცვლით პროგრამებში.

საქართველოს პრეზიდენტობის დამოუკიდებელი კანდიდატი სალომე ზურაბიშვილი ზუგდიდის მოსახლეობის წინაშე მოსწავლე ახალგაზრდობის განვითარების სასახლეში წარსდგა, სადაც ესწრებოდნენ ზუგდიდში მცხოვრები მოსახლეობა, პარლამენტის წევრები, ადგილობრივი ხელისუფლების წარმომადგენლები, არასამთავრობო სექტორი, სტუდენტები და საპრეზიდენტო კანდიდატის მხარდამჭერები.

ზუგდიდის მაჟორიტარი დეპუტატი მერაბ ქვარაია ნარკოპოლიტიკასთან დაკავშირებით ხელისუფლების პოლიტიკას აფასებს. დეპუტატის თქით, აუცილებელია ამ საკითხთან დაკავშირებით დისკუსია საზოგადოებასა და მმართველ გუნდს შორის, რათა ყველა კითხვა ამოიწუროს.

ქალაქ ზუგდიდის მაჟორიტარი დეპუტატი მერაბ ქვარაია მოსახლეობას დილიდან აქტიურ რეჟიმში ხვდება. მოქალაქეები პარლამენტის წევრს სხვადასხვა პრობოლემის მოგვარების თხოვნით მიმართავენ. მაჟორიტარი დეპუტატის მიზანია იყოს მოსახლეობასთან უფრო ახლოს და მაქსიმალურად იზრუნოს თითოეული ზუგდიდელის ცხოვრების გაუმჯობესებასა და მათი პრობლემების მოგვარებაზე.

ქ. ზუგდიდის მე-2 საჯარო სკოლაში ახალი სასწავლო წლის დაწყება საზეიმო ღონისძიებით აღინიშნა. ღონისძიებას, სკოლის ადმინისტრაციისა და მოსწავლეების გარდა, მშობლები და ადგილობრივი ხელისუფლების წარმომადგენლები ესწრებოდნენ. ბავშვებმა რამდენიმე მუსკალურ და ქორეოგრაფიული ნომერი შეასრულეს და პირველკლასელებს სკოლის ეზოში თბილი გარემო შეუქმნეს.

ნონა გაფრინდაშვილი დღეს მშობლიურ ქალაქ ზუგდიდში იმყოფება. ფიდემ ლეგენდარული თანაქალაქელი მოჭადრაკის „ნონა გაფრინდაშვილის თასი“ დააწესა.

რეგიონული პოლიტიკისა და თვითმმართველობის კომიტეტმა საშემოდგომო სესიის პირველი საკომიტეტო მოსმენა აჭარაში, ქალაქ ბათუმში გამართა. კომიტეტის გასვლითი სხდომის მონაწილეებს კომიტეტის თავმჯდომარე ზაზა გაბუნია მიესალმა, რომელმაც სხდომების გასვლითი ფორმატის მნიშვნელობაზე ისაუბრა. კომიტეტის თავმჯდომარის მოადგილემ მერაბ ქვარაიამ კი „მაღალმთიანი რეგიონების განვითარების შესახებ“ საქართველოს კანონის“ და საქართველოს ორგანული კანონის - „ადგილობრივი თვითმმართველობის კოდექსის“ შესრულების მიმდინარეობის შესახებ“ სამართლებრივი ხასიათის საჭიროებებზე, გამოწვევებსა და კანონმდებლობის იმპლემენტაციის საკითხებზე ინფორმაცია წარმოადგინა.

ქალაქ ზუგდიდის მაჟორიტარი პარლამენტის წევრი მერაბ ქვარაია მოსახლეობასთან შეხვედრებს პერიოდულად მართავს. მოსახლეობა პარლამენტის წევრს, სხვადასხვა პრობლემის მოგვარების თხოვნით მიმართავს. მაჟორიტარი დეპუტატი, პრობლემების შესწავლის შემდგომ მათი მოგვარების მექანიზმს ეძებს და მოქალაქეების დასახმარებლად მყისიერ რეაგირებას ახდენს.

ზუგდიდის მუნიციპალიტეტის მერმა ლაშა გოგიამ ზუგდიდის მაჟორიტარ დეპუტატ მერაბ ქვარაიასთან, მუნიციპალიტეტის საკრებულოს თავმჯდომარე მამუკა წოწერიასთან და მერიის სოციალური და ჯანდაცვის სამსახურის უფროსი ნინო სხულუხიასთან ერთად ASB საქართველოს პროექტების კოორდინატორ გიორგი არსენიძესთან შეხვედრა გამართა.

დღეს, ასოციაცია „მერკური“–ს ინიციატივითა და ზუგდიდის მაჟორიტარი დეპუტატის მერაბ ქვარაიას ბიუროს ორგანიზებით, ზუგდიდის მუნიციპალიტეტის მერიაში გაიმართა სამუშაო შეხვედრა, რომელსაც ზუგდიდის მაჟორიტარი დეპუტატი, ზუგდიდის მუნიციპალიტეტის მერიის ზედამხედველობისა და არქიტექტურის სამსახურის წარმომადგენლები, ვეტერინარი ემზარ ჭაჭუა და კინოლოგი დავით თოდუა ესწრებოდნენ. 
შეხვედრის მიზანს ასოციაცია „მერკური“–ს მიერ განხორციელებული მიუსაფარ ძაღლთა პოპულაციის დათვლის შედეგების გაცნობა წარმოადგენდა.

ზუგდიდის მუნიციპალიტეტის მერიაში დღეს, წარჩინებული, მედალოსანი სკოლადამთავრებულების დაჯილდოების ცერემონია გაიმართა. ზუგდიდის მუნიციპალიტეტის მერმა ლაშა გოგიამ, ქალაქ ზუგდიდის მაჟორიტარმა დეპუტატმა საქართველოს პარლამენტში მერაბ ქვარაიამ, საკრებულოს თავმჯდომარე მამუკა წოწერიამ, მერის მოადგილე მაიზერ ნანავამ, საგანმანათლებლო რესურსცენტრის ხელმძღვანელმა კახა ფარცვანიამ და განათლების, ძეგლთა დაცვის, კულტურის, სპორტის და ახლაგაზრდულ საქმეთა სამასახურის წარმომადგენლებმა წარჩინებული სკოლადამთავრებულები დააჯილდოვეს, მედალოსნებს წარმატებები უსურვეს და საჩუქრად სიგელები და წიგნები გადასცეს. ახალგაზრდებს სკოლის წარჩინებით დამთავრება, ზუგდიდის მაჟორიტარმა მიულოცა და ცხოვრებაში მრავალგზის ჯილდოს მიღება უსურვა:

დღეს, სამეგრელო-ზემო სვანეთის ახალი გუბერნატორი ალექსანდრე მოწერელია, მაჟორიტარებს, მერებს, საკრებულოს თავმჯდომარეებს, სხვადასხვა უწყებების რეგიონულ ხელმძღვანელებს და მედიის წარმომადგენლებს, ვიცე-პრემიერმა და შინაგან საქმეთა მინისტრმა გიორგი გახარიამ და მთავრობის ადმინისტრაციის რეგიონული განვითარების სამსახურის უფროსმა სოზარ სუბარმა წარუდგინეს.

საინიციატივო ჯგუფმა „ზუგდიდის პოლიტექნიკური კოლეჯის რეაბილიტაციისათვის“, დღეს, დემოკრატიული ჩართულობის ცენტრში სამუშაო შეხვედრა გამართა.

ზუგდიდის მუნიციპალიტეტის მერი ლაშა გოგია გაერთიანებული წყალმომარაგების კომპანიის წარმომადგენლებს შეხვდა. შეხვედრაზე, რომელსაც წყალმომარაგებისა და წყალარინების (კანალიზაციის) პროექტების შემსრულებელი კომპანიების წარმომადგენლები ესწრებოდნენ მერი დეტალურად გაეცნო დაქსელვის სამუშაოების მიმდინარეობის პროცესს.

ზუგდიდის ბულვარში პიანინო განთავსდა, რომელზეც დაკვრა ნებისმიერ მსურველს შეუძლია. პიანინო ქალაქის ცენტრალურ ხეივანში ,,შენი იდეა მერს“ პროექტის ფარგლებში, ერთ-ერთი მოქალაქის მერაბ ოკუჯავას ინიციატივით დაიდგა. თბილისის შემდეგ „შენი იდეა მერს“ ზუგდიდში ლაშა გოგიას ინიციატივით დაინერგა და მისი მიზანი ქალაქის განვითარებაში საზოგადოების აქტიური ჩართვაა. ბულვარში სამხატვრო სკოლის მოსწავლეების მიერ შესრულებული ნახატებიცაა გამოფენილი

ზუგდიდის მუნიციპალიტეტის მერი ლაშა გოგია მერიის სტრუქტურული ერთეულების წარმომადგენლებს შეხვდა და უხვი ნალექის შედეგად მუნიციპალიტეტისთვის მიყენებული ზიანი დეტალურად განიხილა. მერმა სტიქიის სალიკვიდაციო სამუშაოების მიმდინარეობაზე, შესაბამისი სამსახურებისგან ინფორმაცია მოისმინა და აღნიშნა, რომ უკვე მუშაობს ზარალის დამთვლელი მუდმივმოქმედი კომისია, რომელიც უხვი ნალექის შედეგად მიყენებულ ზარალს ითვლის. უხვმა ნალექმა შიდა გზები, სანიაღვრე არხები და ხიდბოგირები დააზიანა, დაიტბორა საკარმიდამო ნაკვეთებიც. შეხვედრას ქ. ზუგდიდის მაჟორიტარი დეპუტატი მერაბ ქვარაია, საკრებულოს თავმჯომარე მამუკა წოწერია , მერის პირველი მოადგილე გია გულორდავა, ა(ა)იპ-ებისა და შ.პ.ს-ების წარმომადგენლები ესწრებოდნენ.

ქ.ზუგდიდის მაჟორიტარი დეპუტატი, მერაბ ქვარაია დღეს, მოქალაქეებს ინდივიდუალურად შეხვდა. მოსახლეობა პარლამენტის წევრს, სხვადასხვა პრობლემის მოგვარების თხოვნით მიმართავს. მაჟორიტარი დეპუტატი, პრობლემების შესწავლის შემდგომ მათი მოგვარების მექანიზმს ეძებს და მოქალაქეების დასახმარებლად მყისიერ რეაგირებას ახდენს.

"პირადად მე არ ვეწეოდი, არ ვეწევი და არ ვაპირებ მოვწიო მომავალშიც, ამასვე ვურჩევ ყველას. ერთადერთი სწორი არჩევანი ჯანსაღი ცხოვრების წესია და მას უნდა გავუწიოთ პოპულარიზება ყველამ. შემოდგომაზე პარლამენტი ნარკოპოლიტიკის კომპლექსურ რეფორმას მიუბრუნდება და არა მარტო მარიხუანის, არამედ საერთოდ ნარკომოხმარების მიმართ მაქსიმალურად რაციონალური, კარგად გააზრებული და პრაგმატული მოდელის შემუშავება უნდა მოხდეს"-განაცხადა მერაბ ქვარაიამ.

ზუგდიდის მოსწავლე-ახალგაზრდობის სასახლეში, საქართველოს პარლამენტის სპორტისა და ახალგაზრდულ საქმეთა კომიტეტის ინიციატივით „ფიზიკური აღზრდისა და სპორტის შესახებ“ კანონის პროექტის საჯარო განხილვა გაიმართა. ღონისძიებას კომიტეტის თავმჯდომარე მიხეილ ყაველაშვილი, პარლამენტის წევრები, განათლების, მეცნიერების, კულტურისა და სპორტის სამინისტროს და სამეგრელოს რეგიონის თვითმმართველობის წარმომადგენლები გაუძღვნენ.

"საქართველოს მოქალაქეებს და ზუგდიდს მართლაც ამოუვიდათ ყელში ბ-ნი ვაშაძე და ის სახეები, რომლებიც "ნაციონალურ მოძრაობას" წარმოადგენენ. ამას "ნაც მოძრაობის" კანდიდატი ზუგდიდში წესით უნდა გრძნობდეს და ხვდებოდეს და თუ მაინც ჯიუტად "ვერ ხედავს" ამას, შეუძლია გაეცნოს უმაღლესი სტანდარტით ჩატარებული ყველა წინა არჩევნების შედეგებს და ამაში მარტივად დარწმუნდება," - აცხადებს მერაბ ქვარაია.